Sut mae’r GCC yn helpu i sicrhau gofal o safon

Mae'r Cyngor Ceiropracteg Cyffredinol yn gweithio i gynnal y safonau ceiropracteg uchaf er mwyn amddiffyn iechyd a diogelwch cleifion a sicrhau bod pob ceiropractydd yn darparu gofal o ansawdd. Gwnawn hyn trwy gyhoeddi  Cod Ymarfer clir ,canllawiau proffesiynol perthnasol  a Safonau Addysg cynhwysfawr. 

Cofrestr ceiropractyddion y GCC

Rhaid i geiropractyddion cofrestredig fodloni'r safonau uchaf o ran ymddygiad proffesiynol fel y'u nodir yng Nghod Ymarfer y GCC. Mae hyn yn cynnwys bod ganddynt y cymwysterau priodol, eu bod wedi'u cofrestru gyda'r yswiriant priodol. Mae'n rhaid iddynt hefyd gynnal eu sgiliau a'u gwybodaeth trwy Ddatblygiad Proffesiynol Parhaus. 

Mae'r GCC yn cynnal y Gofrestr o weithwyr ceiropracteg proffesiynol. Dim ond os ydynt yn dangos safonau uchel o ddiogelwch a chymhwysedd y gellir cofrestru ceiropractyddion  Os yw ceiropractydd yn methu â bodloni Cod y GCC, gellir ei atal rhag gweithio'n geiropractydd.   

Mae'n anghyfreithlon i unrhyw un ei ddisgrifio ei hun yn geiropractydd neu honni ei fod yn geiropractydd heb fod wedi'i gofrestru gyda'r GCC.

Beth all y GCC ei wneud a beth na all ei wneud?

Mae’r GCC yma i helpu’r cyhoedd, cleifion a phersonau cofrestredig. Fodd bynnag, ni allwn ddarparu unrhyw gyngor iechyd na meddygol. Os oes gennych bryderon iechyd neu feddygol, rydym yn eich cynghori i gysylltu â'ch Meddyg Teulu. Nhw sydd yn y sefyllfa orau i roi'r gofal a'r cyngor gorau i chi.

Os oes gennych bryderon ynghylch ceiropractydd neu driniaeth a ddarparwyd, rydym yn eich cynghori i siarad â'r ymarferydd neu'r clinig.  Fodd bynnag, os nad yw hyn yn bosibl neu os ydych yn dal yn anfodlon, gallwch gysylltu â'r GCC.

Yn rheoleiddiwr y DU ar gyfer y proffesiwn ceiropracteg, byddwn yn ymchwilio i bryderon a chwynion am geiropractyddion a wneir gan gleifion, eu teuluoedd, aelodau'r cyhoedd neu weithwyr gofal iechyd proffesiynol eraill, gan gynnwys cyd-geiropractyddion.

Cliciwch yma i gael rhagor o wybodaeth.

Pwy sy'n goruchwylio'r GCC?

 Yr Awdurdod Safonau Proffesiynol ar gyfer Iechyd a Gofal Cymdeithasol (PSA), sydd â'r rôl o amddiffyn cleifion, hyrwyddo arfer gorau, ac annog rhagoriaeth ymhlith holl reoleiddwyr iechyd a gofal cymdeithasol y DU.

Mae'r PSA yn adolygu perfformiad yr holl reoleiddwyr gofal iechyd yn flynyddol ac yn cyhoeddi  adroddiad adolygu perfformiad ar ei wefan.

Mynnwch air â ni, rydym yn hapus i helpu

Mae'r GCC yma i amddiffyn y cyhoedd a chleifion. Os oes gennych unrhyw gwestiynau neu bryderon ynghylch ceiropractydd, gallwch gysylltu â ni ar unrhyw adeg.

Ewch â fi yn ôl i'r dechrau